شعر عن الأم , لما جيت اكتب عن أمي
شعر لما جيت اكتب عن أمي قلت عنها شايله همي قلت دي بتجري ف دمي حمل الآن قصيدة لما جيت اكتب عن أمي بأحلى الكلمات والعبارات الكتابية الجميلة المكتوبة عن الأم الحبيبة ، احلي كلمات وعبارات كتابية جميلة مكتوبة عن أمي الحبيبة بأحلى الكلمات والعبارات الرائعة الكتابية الجميلة عن ست الحبايب ، احلي أشعار وكلمات جميلة مكتوبة عن الأم بأحلى رمزيات مصورة وكلمات جميلة عن الأم رائعة للنشر والمشاركة علي فيس بوك وانستقرام وتويتر واجمل حالات واتس اب كتابية جميلة عن الأم الحبيبة ، اجمل كلمات في عيد الأم بأحلى التهاني والعبارات الجميلة المكتوبة عن أمي الحبيبة بأحلى وارقي كلمات الشعر الجميل لما جيت اكتب عن أمي.
لما جيت اكتب عن أمي قولت عنها شايله همي قولت دي بتجري في دمي قولت ياما حاجات كتير مش جديدة لما جيت اكتب عن أمي عاجزة قدامي القصيدة شايلة سرّي كان زمان بيني و بينها حبل صري أتقطع يوم الولادة و أتوصل حبل الوداد حب متحولش عادة من كلام رب العباد حبها أصلا عبادة في التعب كانت بتسأل جه مؤنث جه مذكر جه بيضحك جه مكشر جه على الدنيا بسلامة وقتها ما كنتش بفكر كنت بابكي و كانت بتحضن بابتسامة وقتها مكنتش بفكر ده الضنا جه من الضنى.
لما جيت اكتب عن أمي لاقتني بكتب عني انأ لما جيت اكتب عن أمي عاجزة قدامي الحروف قام الألِف زعّق وقف قاللي ما تفهم يا ولا ده انأ مشترك في اسم من لا شريك له و أول الاسم الألِف و أول الأم الألِف و دي مش صدف ربك بيخلق من العدم خلق الألم وهنا علي وهن شالتني لحد ما بلغت الحُلُم و ياما بتدلع عليها و ياما بتمنع عليها و ياما حوطتني بجناحها و ياما دمعت في عينيها و من ايديا تاتا تاتا و رجلي داست على البلاطة و داس عليها عجل زماننا و كانت بتحضني ببساطة و لما بتعب كانت بتعب كانت تطبطب كانت تجيبلي الشوكلاتة كبرت فجأة لاقتني بزهق من كلمها عن السجائر عن العيال اللي مصاحبهم على الدراسة خش ذاكر أجي اتدلع تقوللي ده أنت راجل ده اللي قدك دخلوا دنيا بص يا ابني خلي بالك دي السنين زي الكلونيا تحطها بتطير بسرعة ماتلاقيش لهواها ريحة السنين بجحة و صريحة أمي مابتعرفش تجرح بس ياما باتت جريحة.
لما جت وقفت قصادي قالتلي أنت امتدادي أنت نور عيني اللي شبهي أنت دونا عن ولادي وقتها أنا كنت غاوي للغناوي كنت اسيبها قاعدة و انزل اترمي في حضن القهاوي هي ديا احلي عيشة هاتلي نار علي فحم شيشية هاتلي طاولة امي دي فاكراني طيشة لأ دة أنا راجل بشنبي بصوا دقني و اما جالي الحزن داقني و الزمان خد مني خانة ألدوا اللي عند امي مش لاقيه ف الاجزخانة كل ليلة كنت برجع و الدُعا صالبلي ضهري و التعب فارد طريقي و السنين بتقولي اجري في الزمن عمال بسابق بلتقي بحضن بفارق زحمة الدنيا خدتني مفتكرهاش ألا لما بس الاقي الاكل حادق أنت فين مش عارف اكل اقعدي جانبي تعالي اسمعي اخر المهازل.
مرة واحد حب ينجح قاله عنه انّه فاشل مرة واحد حب واحدة بس سبها لأنة عاطل قالوا عني اني شبهك قالوا وأخد شكل شعرك ضعف نظرك و السنان البايظة منك ياما جرحوني يا امي و بدعاكي جت سليمة هما لما يقولوا عني ابن امي دي شتيمة ! كملي جميلك يا امي و بعد عمر طويل اوي روحي للرحمن قوليله ان ابني بيحبني اوي ياما زعلني و سامحته ياما زعقلي و كان يكفيني بس اشم ريحته كان بينسي يقولي شكرا وانا باديه من حياتي بس انا و أنت اللي عالِم كنت بدعيله يوماتي ربنا يهديه يسامحه كان كتير يصعب عليا لما أشوف في عيونه جرحه مهما يعمل لسة ابني اللي كان في اللفة خايف مهما ينطق لسة سامعة ماما من اصغر شفايف كملي جميلك يا أمي و روحي للرحمن قليله هو ابني امتدادي هو نور عيني اللي شبهي و أما جيت اكتب عن أمي برضه كل كلامي عادي
